తగ్గుతున్న శ్రీశైలం నీటిమట్టం: ఆందోళనలో తెలుగు రాష్ట్రాలు

తెలుగు రాష్ట్రాలకు అత్యంత కీలకమైన శ్రీశైలం ప్రాజెక్టులోని నీటిమట్టం వేగంగా పడిపోతోంది.

ప్రస్తుతం ఎగువ ప్రాంతాల నుంచి కేవలం 5 వేల క్యూసెక్కుల ఇన్ ఫ్లో మాత్రమే వస్తుండగా, దిగువకు విద్యుత్ ఉత్పత్తి, పోతిరెడ్డిపాడు, కల్వకుర్తి, హంద్రీ-నీవా అవసరాల నిమిత్తం ఏకంగా 30 వేల క్యూసెక్కుల నీటిని విడుదల చేస్తున్నారు.

దీని ప్రభావంతో జలాశయంలో నీటిమట్టం 872 అడుగులకు చేరగా, నీటి నిల్వ 150 టీఎంసీలకు పడిపోయింది.

రాబోయే 2027 వరకు ఎల్-నినో ప్రభావం ఉండే అవకాశం ఉందని వాతావరణ శాఖ హెచ్చరిస్తున్న నేపథ్యంలో, భవిష్యత్తులో తీవ్రమైన నీటి ఎద్దడి ఏర్పడే ప్రమాదం ఉందని నిపుణులు ఆందోళన వ్యక్తం చేస్తున్నారు.